Nota e fecha nan paso e aña aki ta kandela lo bai tin den stadion di Rincon
Saturday, April 23, 2016
Thursday, April 21, 2016
Edsel Martha: Uruguay ta 1 team 1 Kurason tene kuenta ku nos!!!!!
Edsel ''Papo'' Martha di (25) ta un bolante pa ekipo di Uruguay ku tin 6 gol den 14 wega hungá. Loke BSN(Bonairesoccernet) por bisa ta ku Edsel Martha ta un hoben ku lanta for di chikitu den kuna di Uruguay i semper tabata resalta komo hoben den Uruguay Junior (U-18) i awor ta un di e piesa nan klave den e ekipo di Uruguay. Segun Edsel ''Papo'' Martha bo por spera un Uruguay uni den mes un direkshon ku rumbo pa titulá kampion. Nos ta preparando pa e buelta di 6 i mi no tin niun tiki duda ku nos lo por ta un di e prome ekipo nan pa pasa pa e buelta di 4. Tur ekipo tin ku bini prepará paso nos lo no ta fasil. Fanatiko nan di Uruguay komo kapitan mi ta gradisi boso pa e sosten ku boso a duna nos ku nos por a yega te aki nan, sigui apoya nos pa nos por sigui ku e bon trabou ku nos a hasi durante e henter kampionato regular. Loke por spera dimi ta ku mi lo duna lo makismo te na e pitaso final. BSN (Bonaire soccer) a puntra Edsel"Papo"Martha si e lo a bandona Uruguay pa bon oferta i kontesta di Edsel "Papo" Martha ta ; mi tin ku pense paso nunka mi a hunga pa sèn, semper mi a hunga pa amor di futbol!
Pedro Rodriguez: S.V. Uruguay lo duna un bon presentashon den kaya 6!!!!!!!
Segun Pedro Rodriguez (25) e bolante di e ekipo di Uruguay ku tin ; S.V. Uruguay lo demostra un bon presentashon den kaya 6. Esei mi ta sigur di dje. Den Kampionato regular nos a demostrá ku S.V. Uruguay tin e gana pa sali kampion. Nos a pèrdè 2 wega konsekutivo pero esaki a motiva nos pa nos trein mas duru i sigui pa dilanti. Nos meta ta pa sali Kampion e aña aki. Pero prome ku nos yega na e meta ei nos tin ku hasi nos maksimó esfuerso den kaya 6 pa yega kaya 4. Tin union entre hungadonan den e ekipo di Uruguay, esei ta algu hopi importante segun mi punto di bista. Esei ta pone ku ora ku nos hunga nos ta hunga ku mas animo i dedikashon. Tur hende por spera kos grandi di parti di S.V. Uruguay. Paso Uru ta dal duru!
Nos tin algun kos di drecha i ta riba esei nos ta konsentra. Nos a siña di fayonan ku nos a kometé den kampionato regular i nos lo sòru pa esaki nan no sosodé mas. Mi tin konfiansa den tur e hungadornan di S.V. Uruguay i mi sa ku nos lo yega leu. Mi ta kontentu tambe ku e fanatiko nan, mi ta spera ku nan lo sigui apoyá nos den kaya 6, den kaya 4 i den final. Dimi parti mi lo duna tur loke mi tin pa yuda mi ekipo. Sèmper mi ta purba hasi mi maksimo esfuerso pa mi ekipo i hasi lokual mi direktor tèkniko ta instrui mi. Tambe por spera mas gol di mi parti paso mi ke sali kampion ku S.V. Uruguay i esei mi ta bai pe. BSN(bonairesoccernet) por bisa ku Pedro ta un di e miho bolante nan ku ta karga su ekipo aki na Boneiru, ku ya tin 7 gol i ku sigur ta un peliger ora ta trata di Free Kick dentro di 20 meter. Nos por sigui mira mas di Pedro Rodriguez den Kaya 6.
Tuesday, April 19, 2016
Guillermo Montero: Nos lo bai pa gana e titulo !!!!!!!!!!
Guillermo ''Gui" Montero (19) ta un atakante di Vitesse ku por sierto ta e maksimo goliado den temporada regular ku 15 gol den 14 wega. Guillermo Montero ta sigur ku Vitesse por gana titulo apesar ku nan a sufri dos derota konsekutivo. Segun Guillermo bo por gana i bo por perde pero den kaya 6 nos ta bai pa saka 3 punto for di tur nos enkuentro nan, nos meta ta pa sali kampion. Nos a yega den e ultimo 6 ekipo nan i awor aki nos lo hunga pa sigui den e ultimo 4 ekipo nan, yega Final ta nos deseo i sali kampion ta nos mishon. Nos ta konsiente ku e kaminda ta largu pero nos a yega te aki nan, bira bek no ta un opshon unabes ku nos ta riba e ruta nos ta sigui te final. Nos no ta un ekipo ku tin hopi fanatiko pero nos ta kontentu pa esnan ku tabata presente na tur e wega nan pa apoya nos den bon i den malu. Nos lo bai ku mentalidat pa gana tur ekipo ku nos topa, nos lo no bai pa basila den kaya 6 paso nos meta ta pa sali kampion. Mi mes di mi parti mi ke hinka gol kada oportunidat ku mi haña pa asina mi yuda mi ekipo. Mi tin 100% konfiansa den mi ekipo ku nos lo alkansa nos meta. BSN (bonairesoccernet) a puntra Guillermo Montero ku e lo bandona Vitesse na final di temporada i kontesta di Guillermo ta ; Mi no tin pensa pa bandona Vitesse pa drenta otro klup aki na boneiru paso ta den Vitesse mi a krese i si akaso mi nota forma parti mas di Vitesse mi lo ta hungando bala un kaminda ku no ta na Boneiru. Pero awoki mi ta konsentra pa e temporada aki paso mi ke mantene mi nivel pa nos titula kampion, si nos mente ta konsentra riba mañan nos no por gana awe.
(Guillermo ''Gui'' Montero)
Alberseeto "Seeto" Cecilia: Nos ta bai pa sali nr.1 pa sigui den Kaya 4!!!!!
"Nos ta preparando pa yega den kaya 4 " ; tabatá palabranan ku nos por a tende di Alberseeto"Seeto" Cecilia (19) e arkero di Vitesse . Den kombersashon nos por a komprondé di Seeto ku Vitesse ta preparando fuerte pa kaya 6. Mi sa kiko nos ekipo ta kapas di hasi , pa logra pasa pa kaya 4 .
Loke a keda nos awor aki ta pa demostrá Boneiru kiko nos tin aden. Mi ta sinti mi bon den Vitesse i mi ta haña ku nos a bai hopi dilanti kompará ku 2 aña pasa kaminda nos a sali ultimó luga. Perseveransia a pone ku nos a logra krese i ku awor nos ta un di e ekiponan ku tin ku tene kuenta ku ne. 5 biaha mi a kuida mi arko sin gol durante e kampionato , i den kaya 6 lo no ta un eksepshon.
Mi lo denfendé mi gol ku alma i kuerpo pa mi ekipo. Nos defensa ta solidó i nos medio kampo nan a sòru pa hasi Guillermo Montero maksimo goliadó. Mi ta sigur ku mi ekipo lo hunga e mesun futbòl manera tabatá hunga durante e kampionato. Fanatikonan nos ta warda boso pa bini apoyá nos, paso nos ta ' The Green Family ' .Eksito na tur e ekiponan den kaya 6.
Monday, April 18, 2016
Flamingo ta den fase final di negosashon ku Berjantico Emerenciana!!!!!!!
Berjantico''Tico''Emerenciana rumbo pa Flamingo -- Loke a kuminsa komo rumor ku ta sirkula resientemente den nos komunidat, awor ta kuestion di kompleta dokumentu pa hasi transferensia un realidat. Informashon ku BSN (BonaireSoccerNet) ta dispone di dje ta ku e ekipo di Flamingo tin interes serio den e hungado Berjantico Emerenciana, no falta muchu pa kompleta e negosashon. Berjantico''Tico''Emerenciana (40) ta un di e hungado ku por sierto ta hopi eksperensia i ku a forma parti di e ekipo di Juventus ku a titula kampion 5 aña konsekutivo. Nos por bisa ku Tico ta un boost pa kualke ekipo den parti di mediokampo i tambe nos por bisa ku e ekipo di Flamingo no ta basila pa mehora su ekipo riba tereno. Den kaso ku logra firma Tico komo bolante, nos lo por mira Rilove Janga move dilanti i funshona komo un atakante ku sigur ta un hungado ku tin bista pa gol. Tico sigur ta bai hasi e ekipo di Flamingo mas fuerte i ku sigur nos ta keda mira e ekipo di Flamingo komo un di favorito(nan) pa bai ku e titulo di 2015/2016. ''Flamingo are Flying High''
Naygel Coffie: Loke tur hende por spera ta un Juventus skerpi ku animo pa yega Final!!!!!
E bolante reks Naygel Coffie (19) ta mas ku konvensi ku Juventus ta mas prepara,skerpi, konsentra i ku hopi animo pa yega final. Mi tarea prinsipal ta pa krea hugada(nan) pa asina yega na gol alabes defende ora ta nesesario. Komo hoben mi ta sinti e preshon riba mi komo bolante pero mi ta trata semper pa mi hunga mi miho wega kada enkuentro i no laga e preshon afekta mi prestashon riba tereno. Nos tin hungado nan ku ta tratando nan leshon pero ku of sin leshon mi tin konfiansa den mi kompañero nan di ekipo. Ku nos huntu lo karga Juventus te final. Natural ku nos kada unu tin ku duna di nos banda pa asina nos por ta eksitoso. Loke hende por spera di Juventus ta ku nos lo bini duru pa bai ku e titulo di Kampion. Fanatiko nan ku a sostene nos durante henter e kampionato mi ta gradesido i ta apresia ku boso a keda konfia den Juventus, danki pa boso sosten.'' Nobody can stop Juve''
Yurick Seinpaal
Yurick Seinpaal di (20) delantero den liña di atake di Real Rincon. Yurick ta duna di konose ku Real Rincon su fanatiko nan por spera hopi gol den kaya 6, kaya 4 i final. Team nan den Kaya 6 mester ta para duru paso nos ta un meta nos tin i e meta ta pa titula Kampio n pa di dos aña konsekutivo. Nos ta bai pa mantene nos titulo di kampion.
E trèin a sali i su destinashon ta pa para na e stashon Kampion di FFB. Mi tin mi parti di kumpli ku ne den mi ekipo i esei ta anota gol. Danki na nos fanatiko nan ku a sostene nos durante e kampionato regular. Awor den kaya 6 bini sigui apoya nos paso e titulo ta pa boso.
"Real Rincon di Kurason"
Rutger Thode: Nos lo duna lo maksimo den Kaya 6 !!!!
Rutger Thode e Stopper di (16) ta un di e hoben nan den Vespo ku potensial pa ta un bon fubtolista. Den su entrevista ku BSN(Bonaire Soccernet) e la bisa nos ku di su parti lo e hasi lo maksimo pa defende su arko. Nos tin un ekipo bon riba papel, awor nos tin ku demostra esei riba tereno , pa asina nos pasa pa e siguiente 4 nan. Nos tin e deseo pa bai ku nos di 3 titulo.Pero esei ta den nos mes man (en realidat den nos mes pia). Mi tin konfiansa den mi ekipo ku nos ta bai saka e miho resultado den kaya 6. Mi mes a regresa for di Aruba kaminda nos a titula kampion den weganan eskolar . Asina ta un kopa mas pa e temporada aki ,lo ta un logro grandi pa mi sigur .
Mi ta pidi sosten di nos fanatikonan ku tabata presente na tur wega pa bin apoya nos den kaya 6.
Sunday, April 17, 2016
Rishison Frans: Real Ta kla pa defende su titulo!!!!!!
Arkero prinsipal Rishison Frans a bisa BSN (bonairesoccernet) : Real Rincon ta kla pa defende titulo. E kos ta serio nos komo Real Rincon lo bini tur ku tin kiermen tur tim prepara. Mi tin konfiansa den mi liña di defensa paso durante henter e kampionato nan a duna mi un man pa nos defende nos Arko. Nos liña di atake a soru pa nos por anotá i sali viktorioso den mayoria di nos enkuentro nan. Mi no por pidi mas di loke mi tin i nos bolante nan ta kurason di e ekipo ku ta sostene nos tantu den atake komo defensa. Kemen mi ta hopi satisfecho di e sosten ku mi ekipo a duna mi durante di e kampionato regular, i awor aki mi ta bai hasi lo maksimo pa duna di mi parti pa kontrubi na un temporada eksitoso. Mi kier a hasi un yamada na tur fanatikonan di Real Rincon ku a sostene durante e kampionato regular, i nos lo spera mes un animo pa nos por sigui nabega rumbo pa Eksito. Mi ta desea tur e otro ekipo nan den kaya 6 eksito.
''Real Rincon Di Kurason''
Real rincon Den Kaya 6 pa defende su titulo !!!!!!!!
No ta un sopresa ku Real Rincon ta den kaya 6, nan tabata tin un tremendo Kampionato regular i nan a hunga pa nan yega. E ultimo wega di Real Rincon tabata kontra e ekipo di Juventus kaminda a sabi di bai ku 3 punto for di Juventus, wega tabata di tenshon pasobra ta dos ekipo Rival a topa. Pero ku gol nan hinka pa Yurick Seinpaal (2) Robert Frans (1) Ayrton Cicilia (1). Yurrick Seinpal ta un bon boost pa liña di atake di Real Rincon. Nan tin un tim por lo general riba nivel algun di e hungadonan den tremendo Forma ta Igmard Gijsbertha, Lacey Pauletta, Jozef Beaumont, Jurick Seinpal, Robert Frans, Ilfred Piar i e Prospekto Ayrton Cicilia ku nos lo tene na bista den Kaya 6 e ta un hoben ku nanishi pa gol ku potensial pa bira un atakante kompletu(Complete winger). Ta hungado nan ku ta marka hasi den momentu nan krusial. No por deskarta e posiblidat ku nan lo ta un di e ekipo nan, ku lo sigura nan puesto den e ultimo 4 nan. No por spera nada otro ku un Real Rincon Skerpi Skerpi den Kaya 6. Awoki ta keda na Real Rincon ku nan lo bai buska un Titulo mas pa bira Kampion pa di 2 aña konsekutivo. Pero ban spera ku esei ta e kaso den Kaya 6 kaminda e miho kuater nan ta sigui.
Flamingo's Are Flying High !!!!!!!
titulo di 2015/2016.
Nos ta mira ku kos lo bai ta kayente ku Flamingo den Kaya 6. Nos por mira nan prestashon den nan ultimo enkuentro kontra e ekipo di Uruguay kaminda nan a sa di Derota e ekipo di Uruguay ku skor 2-1 ku gol di Rilove janga i Cristian Zuniga. Nos por mira ku tin konsistensia di e ekipo di Flamingo durante a kampionato regular. Hungadonan manera Leomar Janga, Gerson Agustien, Rilove Janga i Cristian Zuniga sigur ta piesa nan klave ku Flamingo ta dispone di dje i ora nan ta den forma nan ta kasi imposibel pa neutralisa kemen ta di tene kuenta ku e Ekipo di Flamingo. Nos por bisa tambe ku Rilove ta un hungado ku tabata forma parti di Juventus ku tabata tin 5 aña konsekutivo kampion, esei ta nifika ku Rilove Janga tin hopi eksperensia i tin hopi titulo di kampion riba su nomber. Ban spera ku esei ta e kaso ku Flamingo, nos di BSN (BonaireSoccerNet) lo keda ku wowo riba Rilove Janga kual ta un di miho Hungadonan den FFB ku ta na di dos luga riba puesto di Maksimo goliado tras di Guillermo''Gui'' Montero(Vitesse). Flamingo tambe ta un di ekipo ku tambe tin refuerso di hermana Isla Korsou.Nos ta papiando Ruhandley Sumbter un di e miho Kiper nan na Hermana Isla Korsou
ku ta defende su arko ku fasilidat esei kemen ku Flamingo tin tur e ingridiente nan pa ta kampion. Pero esei nan tin ku demostra pa nan por lanta e trofeo. Hopi tin pa mira ora ku e ekipo di Flamingo den Kaya 6.
Por sierto nos wordu informa ku Flamingo tin uniform nobo nobo di sponser dor di Toshiba.
(Rilove Janga i Ruben Vijt)
''Flamingo's Are Flying High ''
Saturday, April 16, 2016
Tin Rumor ku lo por bai tin un Kopa Antiano atrobe.
Tin rumor nan ku probablemente tin moveshon pa bolbe kuminsa ku un kompetensia estilo Kopa Antiano. Informashon Ku BSN ( Bonaire Soccer Net ) ta dispone di dje ta ku FFB tin plan pa trese un kompetensia asina bek. Di loke nos por a saka afo ta ku tin plan kla kaba riba mesa loke falta pa aktiva un komishon pa asina kuminsa dal stap nan importante pa asina nos por tin un bon kompetensia entre
ABC islands nos di parti BSN ta apoya e echo ku FFB ta moviendo di tal forma pa hasi e futbol ahun mas aktrativo. Asina nos haña mas informashon nos lo informa nos pueblo pa ku e tremendo inisiativa di FFB.
Derota pa Vitesse kontra Uruguay 2-6!!!!
Nan tin hungado nan manera Pedro Rodriguez i Edsel Martha ku Sigur por ta un peliger den Kaya 6 pa kualke ekipo ku nan enfrenta. Manera nan lema mes ta bisa Uru ta dal Duru kemen nos lo por spera bon bataya di Uruguay den Play off.
Juventus ku Goliada riba e ekipo di Ariba Peru
Naar a firma pa e ekipo di Juventus i riba su debut e la anota (1) gol pero tog kai vensi kontra e Kampionan di Boneiru kual ta Real Rincon.
Pero den su di dos wega na Boneiru e la sabi di anota (5) gol pa Juve den e Goliada kontra Ariba Peru ku a laga Juventus Book e ultimo luga den Kaya 6 i Naar Sigur ta un Boost pa e ekipo di Juventus.
Juventus a demostra ku ketu bai ku nan ta peligroso den Play off (kaya 6). Den nana ultimo partido ku nan hunga prome ku kaya 6 nan a demostra dikon nan tabata 5 aña kampion. Ku un skor 11-1 nan ta mustra ku nan no ta bai basila den kaya 6 despues di a keda for di play off aña pasa. Pero e aña aki nan a sigura nan luga den e ultimo 6 ekipo nan. E goliada mes ta papia pa su mes anto Juventus a bai fortifika nan liña di atake ku Norvianel Naar ku a anota 6 gol den dos partido. Den ultimo partido di Juventus N.Naar ku (5) Gol Indjomar Martis (4) i A.Daal ku (2) kemen nos por mira un bida den Juventus pa ku nan liña di atake. Pero segun Observashon Juventus mester sera nan medio kampo un tiki mas pa asina nan por ta mas peligroso.
Vespo a derota e ekipo di Vitesse.
Riba 15/4/2016 tabata tin e partido entre Vespo i Vitesse kaminda, Kaminda Vespo a logra derota e ekipo di Vitesse. Kaminda na e prome mitar Vespo a bai halftime ku e skor di 3-0 i di dos mitar no tabata mes skerpi ku e prome pero nan a sabi di mantene i amplia nan bentaha. Pero ku tres gol di Vitesse a pone ku e wega mester a wordu bringa pa evita ku Vespo lo sali ku un empate, Vitesse a sabi di pone preshon i ku tres gol di Guillermo Montero a sa di trese bida bek den partido hasiendo e wega 4-3. Na e momentu ey e ekipo di Vitesse a mira lus i Vespo a perde nan ritmo di wega i kual tambe a kondusi na dos karchi kora pa e ekipo di Vespo. Pero
ku gol di Ricky Jansen a sabi di setensia e partido.
Vespo a sabi di mantene nan prestashon na nivel pa drenta e Buelta di Seis.
Anto por sierto Vespo ta un ekipo ku nos por spera hopi di dje den Kaya 6. Vespo ta un ekipo ku ta konosi pa Step up nan game Den Play off pero ban mira ku esei ta e kaso ku dos Karchi Kora Drentando Kaya 6. Espektativanan ta haltu pa loke ta trata e ekipo di Vespo kemen nos lo por spera bataya Fuerte di parti e ekipo di Rincon S.V. Vespo .Pero na e otro banda e Ekipo di Vitesse ta un team ku hopi pontensial p.e. Guillermo (Gui) Monterro ta e maksimo Goliado di Temporada di Regular 2015/2016. Pero loke te ahinda Vitesse falta ta konsistensia. Pero no por Balota Vitesse paso e no ta un ekipo fasil paso ora nan ta riba nivel bo tin dolo di kabes ku nan pa saka punto. Pero ku dos derota konsekutivo nos ta spera ku Vitesse lo por rekupera i bini mas miho prepara pa Kaya 6.
Vitesse ta un den proseso di desaroyo kemen ban mira kiko e muchanan di Vitesse lo por duna nos den Kaya 6.
