Vespo ta kue su prome viktoria den kaya 6

Vespo ta gana su prome enkuentro den kaya 6 esaki lo ta un bon komienso pa Vespo kaminda a topa un kontrakante duru Uruguay, ku tabata tin mas posishon di bala pero ku alfinal a perde kontra Vespo 0-1. Na di 14min. un pinalte anota pa Ricky Jansen ta pone Vespo pika dilanti. Despues di e pinalte Vespo a haña varios oportunidat pa hinka gol pero esaki no a kristalisa. Den e di 88min. Justin Mitchelle a haña oportunidat klave pa iguala e partido pero no por a dirigi e bala den direkshon di gol. Uruguay no a demostra nivel ku nan tabata tin den temporada regular i esei a pone ku Vespo si a bini tur ku tin pa gana e partido. Por Spera mas di Vespo den buelta di 6 i loke ta trata Uruguay lo tin ku bai bek den seno pa e siguiee enkuentro nan ta mas skèrpi.

(Ricky Jansen)

Read More

Rai Cicilia ta rumbo pa Vitesse!!!

Informashon ku BSN( BonaireSoccerNet) ta dispone di dje ta ku Rai Cicilia e eks atakante di Juventus lo regresa Boneiru komo hungado di Vittese. Rai-Cesar Cicilia(18) ku aktualmente ta bibando na Hulanda i ta forma parti di e ekipo di SV Houten 2de divisie A1. Vitesse tambe a sinti e nesesidat pa fortifika nan liña di atake despues di e derota di 0-3 kontra Atl.Flamingo. Rai-Cesar lo kompleta e liña di atake pa asina kombina ku Guillermo Montero. Negosashon a tuma su tempu pero Vittese a logra un akuerdo ku Rai-Cesar.

Rai-Cesar; mi ta bini konsentra pa hasi mi trabou i mi tin sigur ku nos por yega leu. Mi tin sigur ku Vitesse lo bini bek pa yega kaya 4.

Read More

Atl.Flamingo a derota e ekipo di Vitesse!!!!

Flamingo  Djabierne anochi tabata tin tremendo partido entre Atl.Flamingo I Vitesse kaminda Atl.Flamingo ta na kabes den Kaya 6. Atl.Flamingo apesar di no tabata tin su miho ekipo e suplenten nan a sa di hunga futbol riba nivel pa a saka 3 punto. E wega por general tabata bou di dominio di Atl.Flamingo ku a demostra nivel i ku Vitesse no por a kontene e ekipo di Atl.Flamingo. E prome gol a wordu hinka dor di Rilove Janga riba un bon kontratake. Di dos gol a bini dor di un fayo den defensa di Rashid Trinidat ku ta bandona for di su posishon a pone ku Roel Trinidat a kita bai ku e bala riba portero Alberseeto i deposita e bala den gol i e utlimo gol tabata un tremendo tiru di Harry Wijnsma di 20m ku a vense e portero Alberseeto Cecilia. Flamingo ta na kabes demostrando tremendo nivel.

( Rilove Janga i Harry Wijnsma )

(Roel Trinidat)

Read More

Rowendy Sumter: Flamingo Ta kla pa bula te final!!!!!

BSN (bonaire soccer net) den kombersashon ku Rowendy Sumter (27) e  portero di Atl.Flamingo; Atletico Flamingo ta kla prepara pa e buelta di 6 i por sigura bosonan kumi kompañero nan di Atletico Flamingo tambe ta bon prepara.
Tur kabes ta den un direkshon pero nos meta si ta kana stap pa stap, ku esei mi kiermen ku nos ta konsentrando pa yega buelta di 4 i despues lo kuminsa pensa riba final.
Mi ta kontentu ku e manera ku nos ta hungando i tur hende por a nota e desaroyo positivo kuta reina den Atletico Flamingo.
E tim ta hopi uni i loke a pasa den di 2 rond di kual nos no a perde ningun partido a sirbi komo un gran empuhe i a krese e ekipo enormemente.
Di mi personalmente bosnan lo por spera hopi i bosnan por mira un lider bou di e 3 lata nan pa Atletico Flamingo.
Pa finalisa ku aktitud, esfuerso i determinashon Atletico Flamingo lo logra sigur.

Bini pabo mira e Soldat nan di Atletico Flamingo bula den stadion di Rincon.

Read More

Renny Alberto: Wega tabata muchu brutu, fanatiko nan ta influensia e hungado nan riba tereno!!!!!

Segun Renny Alberto; E wega riba su mes tabata brutu i fanatiko nan tabata e motibu prinsipal ku tabata soru pa reakshon negativo di e hungado nan riba tereno. E wega riba su mes a kuminsa bon, e prome mitar e wega tabata modera pero despues di gol Christopher Martha e wega a kuminsa bira agresivo mi a duna kuater hungado karchi hel. Pero e di dos mitar apesar di karchi nan ku mi a duna den prome mitar e ekipo nan su agresividat no a baha, e fanatiko nan reakshon tabata pone ku e wega no por bini na trankilidat. Mi ta hasi un suplika na tur fanatiko nan di tur ekipo den kaya 6 pa apoya nan ekipo i respeta kual sea desishon ku arbrito nan tuma. Mas aleu BSN (BonaireSoccerNet) a puntra e Arbrito riba e retraso ku tabata tin pa kuminsa e wega i e Arbrito a bisa BSN ; ku nos tabata kla na ora pa kuminsa wega pero debi ku no tabata tin hende pa hasi drugs kontrol e wega a kuminsa lat. 

Read More

Resumen di wega entre Real Rincon vs Juventus

 E prome mitar tabata bou di dominio di e ekipo di Juventus kaminda na di 16 min. ku kruse di Naygel Coffie for di un tiru liber ku un tremendo kabesaso pa Christopher Martha ku a vense e portero Rishison Frans. Despues di e gol di Juventus, Real Rincon tabata kompletamente for di ritmo i ku a kondusi 4 karchi hel den e prome mitar. E di dos mitar e wega a sali un tiki for di man kaminda agresividat a manifesta entre e hungado nan di ambos ekipo. Un pinalte na 56 min.  kaminda Yurrick Seinpaal a laga Rugenio Josephia bai sambuya e banda robes pa asina iguala e skor 1-1. Despues di e gol di empate e wega a sali kompletamente for di man kaminda refri a parti 7 karchi hel entre e dos ekipo nan. Segun Observashon di BSN (Bonaire Soccer Net) e wega den prome mitar tabata riba nivel, e di dos mitar e wega tabata bou di nivel kaminda kansansio i frustracion a hunga un rol den falta di nivel den wega.

Karchi hel:

1. A.Beuamont(Real)
2. R.Frans(Real)
3. T.Frans(Real)
4. J.Wijman(Real)
5. I.Piar(Real)
6. J.Seinpaal(Real)
7. J.Frans(Real)
8. T.Trinidat(Juve)
9. R.Frans(Juve)
10. S.Emerenciana(Juve)
11. I.Martis(Juve)

Gol:

Christopher Martha (Juve)
Yurrick Sienpaal      (Real)

                        Juventus                                                                    Real Rincon
                             10                                      Shots                                  3
                              7                                    On Target                              1
                             70%                                    Shot  %                            33%
                             65%                            Ball Possesion                         35%
                              4                                      Corner                                 3
                              1                                      Offside                                3
                              4                                 Yellow Cards                           7
                              0                                   Red Cards                              0

Read More

Juventus ta logra fortifika liña di atake!!!

Juventus ta logra un akuerdo ku Christopher Martha (21)  eks di atakante di SUBT ku den su  ultimo temporada ku SUBT a skor 10 gol den 12 partido, kual lo ta un bon empuje pa Juventus pa loke ta trata nan liña di atake. E akuerdo ta balido te ku final di temporada di 2015/2016 kiermen nos lo por mira hopi di Christopher Martha ku sigur lo duna papel mirando su prestashon den SUBT.
Pa loke ta trata e liña di atake Christopher lo por kombina  ku entreotro Ingomar (Indjo) Martis ku lo por kibra kualkier liña di defensa. Hopi ekspektativa tin pa ku e prestashon di Christopher Martha ku lo debutá kontra e ekipo di Real Rincon, Juve kontra Real sigur ta hala hopi fanatiko.
Segun Christopher; Mi a bini pa duna mi aporte na e ekipo pa asina nos saka e miho  resultado.
Tur wega pa mi tin mesun balor, kiermen tur wega mi ta sòru pa mi ta riba nivel. Mi posishon ta Delantero i mi tarea ta pa hinka gol i mi ta sigur ku mi lo duna resultado pa asina nos por gana nos wega(nan).

Read More